C.B.CASELAS (60):
Pedro (8), Pablo (6), Igor (10), Rubén Alonso (4) e Óscar (5). QUINTETO.
Joni (2), Yanko (13), César (5), Rubén Rdguez (7), Rober e Iago.

Igualadísimo e intensísimo encontro con dous equipos que supliron o pouco acerto a canasta con loita, entrega e coraxe. Ao Caselas atragantouselle no segundo e terceiro cuarto a defensa zonal local, pero resolvía con penetracións e tiros libres, xa que o lanzamento exterior non entraba nuns aros moi duros. As alternativas eran constantes no electrónico e a igualdade máxima: 18-19, 29-28 ao descanso, 39-40 no terceiro cuarto e empate a tres minutos do final. Xa cos dous equipos cargados de faltas e varios homes importantes eliminados como Yanko e César, o Caselas tirou de veteranía e experiencia, destacando os dous importantísimos rebotes do xoven Pablo e unha canasta lonxe de Rubén Rodríguez, que certificaron unha victoria celebrada pola afeción e a ovación do público presente polo desgaste ofrecido polos dous equipos.
No vindeiro fin de semana haberá descanso, antes de afrontar a derradeira xornada o 24-25 de marzo co Airexa Nigrán en Salceda.